Hotel, Bar Restorant
Hotel Aragosta është klasifikuar me 4 yje dhe ndodhet në pjesën më atraktive të qytetit të vjetër të Durrësit. Një pozicion në harmoni me aromën e detit dhe gjelbërimin e kodrës ku ndodhet edhe Pallati i Mbretit Zog I.
Dhomat e hotelit janë të dizenjuara me stil modern, me kombinime dhomash të përshtatshme si për qëndrime me qëllim biznesi ashtu dhe për pushime familjare.
Qetësia nëpërmjet izolimit akustik si dhe temperatura konstante e ambientit ju sigurojnë një qëndrim tepër komod. Mëngjesi është një eksperiencë e veçantë në Hotel Aragosta. Veranda buzë detit e bën atë të mrekullueshëm.
Hoteli është në një pozicion strategjik në qytetin e vjetër të Durrësit dhe ka 300m afër nga Muzeu Arkeologjik, 100m nga Universiteti Aleksandër Mojsiu, 700m nga Amfiteatri Romak i Durrësit dhe 800m nga Torra Veneciane, Bashkia Durrësit, Xhamia, Qëndra e qytetit si dhe Porti Detar.